LU CUMMENTE

Cummente mia, cummente sule sule,
iè passate da qqua nu uagliuncedde?
Iè gghiute alla furesta e non tè mule,
iè ggiute a fa li frasche e li fà fridde.

Quanne lu vide cullu fascetedde,
tutte sudate e culli pede rutte,
dalli nu poche d'ombra e l'acqua fresca:
tè nu stozze de pane assutte assutte.

Cummente mia, i te lu raccumanne
quanne lu vide tutte frasche e iamme:
la mamma iè morta e isse tè sett'anne:
cummente mia, fàlli tu da mamma!

ALL'ANNE VECCHIE

Prima che t'alluntane da stu munne,
t'eia fà na priiera, o vicchiaredde
cullu bastone rutte e senza scedde,
na priiera da quiste core funne.

Quanne tu arrive allu paiese tova,
sperdute tra lu mare e tra li stedde
e dova vola lu scazzamuredde;
quanne tu arrive a quedda via nova

dova non passa nisciune, tu certe
àda vedé alli trent'anne mia
che so partute e vann'ancora sperte,
senza cchiù gioia e senza nustalgia.

Tu dilli a tutt'e trenta, dece vote,
che mo la vita è tutta n'ata cosa,
che finalmente lu core reposa
sope nu core che pare de sposa.

Cummente mia, cummente sule sule...