La Valle, Numero unico, Settembre 1971
Sensazionale!
La battaglia di Canne combattuta a S. Marco in Lamis.
E’ recentemente sorta una polemica intorno alla locazione della battaglia dl Canne, che il Rev. Albano ritiene abbia avuto luogo presso Volturino. A tale proposito abbiamo ricevuto, in esclusiva nazionale, una lettera del console L. Paolo Emilio, sconfitto, com’è noto, dai Cartaginesi a … ma dove? Leggete e lo saprete.
Console L. Paolo Emilio ai subnostrani de La Valle.
Sta lettera che ve manne, iave nente iave, che ve la vuleva mannà. Ma vuia capite come vanne certe cose: ’ncappa nu piccione qua, trova nu piccione ddà, non so’ state capace de truvarne chedè iune. Scrupe e ’ncappa, pigghia e ammacca, ce li so’ frecate a brode tutte li Caperoscia. Li piacene li picciuncedde!
‘Sta lettera l’eie scritta pe’ fareve sapé la verità sope ’sta battaglla che m’ha date veramente alli nereve. Chi ma’ puteva sta a pensà che Albano da cantante mo’ ieva fa pure l’archeologo, e che nu Masine, che pe poch’ metteva ‘ntresidie meze munne pe’ fa fa’ bella fijura a March Centola, non ce n’eva jie nu poc’ alla puzza? Pecché, lu vulite sapé, la battaglia cu quiddu cule aperte d’Annibbele l’ime cumbattuta proprie a Sant Marh, inte la Padula! Eh, nera me, che frecatura ‘ssu paese!! Ievame menute qua proprie pecché c’evene ditte che ce steva l’acqua, doppe però ce venne a dice che ieva scoppiate lu bacine. De lli puzze non ce ne putevame servì perché stevene ‘nquinate; e tante pe tenerece contente alla fine ce mannene lu Parente cu nu carrebotte. Cu li cavadde che ce murevene de sete, come ievama fa’ a vence la battaglia!
Mo’ ve racconte come so ‘gghiute li fatte. Stevame magnanne iuse Capuane e doppe ce stevame preparanne pe ‘gghì a vedé lu campionate de prima categoria (mo’ l’hanna fa’ lu campionate!) pecché m’evene parlate de nu certe centurione Pignatelle che me vuleva accattà pe’ fareli manovrà li palle contra Annibbele. Allu megghie ce ne vè ‘na guardia municepale e me dice: “Inte la Padula ienne arrevate Annibbele! Lu sinte, ascite subbete a nitte!” A sentì ‘sta brutta notizia, ie fatte chiamà lu centurione Cursius, che ieva misse a uardà la villa. ‘Ncappele qua, ‘ncappelu ddà, Cursius non ce truvava. Me responne iune che steva vucine a ‘mmé: a chi va truvanne tu? a Cursius? Vattulu freca a stutà foche inte la defenza! Te, va’ vince na battaglia cu ’ssi tipe, va!
Per forza Annibbele ci ieva frecà. A parte Cursius, teneva pure a Napulione che propria ‘ntanne ieva state pigghiate da n’attacc’ forte de waterlite acuta.
Ce steva Pignatelle che pe’ terà li palle contre Annibbele vuleva pe’ forza iesse fermate lu cuntratte. Ce steva pure Salvatore, che appena ha truvate nu morte ’nnanze pette, ce caccia li carte da inte la saccoccia e li fa’: mo’ facimece 'stu tressette!
Teneva nu collega poie, che ce chiamava (cia)Varrone. E quanne a ditte (cia)Varrone, a ditte tutte.
Insomma, ce li stevame abbusc’canne veramente da quiddu rimbambite d’Annibbele, e ce vulevame salvà, fuiennecene intu lu starale; ma, arrevame ddà e truvame tutte lu starale già cchine de coppiette, e frechete.
Accuscì Annibbele cià fatte lu carizze a tutte quante. Si non ce credite alla storia che v’eie raccuntate deciteme allora pecché la Padula iè zona storica; non sule, ma iè pure zona sismica pecché, li suleddate che [s]tanne sutterrate sotta li case, quanne ce smovene pe’ gerarice all’atu quarte e pe’ stennerecarice l’ossera, fanne tremà li case. Ve salute a tutte quante.
Console L. Paolo Emilio