LA SERENATA

Affaccete, Marì, a ssa funestra,
mitte nu poche d'acqua inta ssa rasta,
lu sciore ènn asseccate e non addora,
affàccete, Mari, nu quarte d'ora!

Iè mezanotte e sta lu sole ancora,
lènn'ammucciate inte quiss'occhie tova.
Fatte vedè nu poche a ssu cunturne,
affàccete, Marì, fa' mezeiurne!

L'ANGELIDDE

T'éi sunnata quanne iève
tutte 'nciele nu sblennore:
n'angelidde, luce e amore,
me spiava e i' durmeva.

I' durmeva e te sunnava,
te deceve: 'Tu si' bella,
sinn'ascenta da na stella',
e parlanne me vutava,

me sbutava inte lu lette.
Luce e amore, l'angelidde
m'attentava li capidde.
I' deceve: 'Sente 'mpette

na carezza tutta mèle.
Tu si' bella e si' 'mmenuta
finalmente: si' 'mmenuta
dalla terra o dallu ciele?'

L'angelidde, amore e luce,
ce credeva che cu 'gghisse
i' parlava, e spisse spisse
zenniava, bell'e dduce.

Ma, vutanneme e sbutanne,
quisse nome tova éi ditte:
l'angelidde, afflitte afflitte,
ce n'è gghiute pe sett'anne.

Ciro Iannacone e Daniela Milanese interpretano 'La serenata'

Venerdì Sante, iè matetine. Mena!
Allu Calvarie sta la Matalena,
alli pede la Croce sta Giuvanne
e la Madonna ce ne vè chiagnenne.
Mo la Madonna sta sotta la Croce
e tant'ha chiante che non te chiù voce,
Li delure de tutte lu criate
l'hanne scarsciate lu core - menate,
menate! Iè la Vergena Maria,
iè mamma a Giese Criste e mamma mia.

Accumpagnàme la Madonna Santa,
tè li lacreme all'occhie e nire lu mante.
La vonne accumpagnà pure li prète,
l'angele vanne 'nnante e i' derete.
'Tuppetù, tuppetù, fussite viste
a Figghieme 'nnucente, Giese Criste?
Aiiàprete, Sabbuleche lucente,
damme du Figghie e non vogghie chiù nnente!'
Lu Sabbuleche è belle e sta 'nzerrate,
cente ferre lu tenne 'ncatenate.

Madonna mia, assùghete ssu chiante:
ce sta n'atu Sabbuleche chiù 'nnante.
Appòiete a sti vraccia, chiane chiane,
Ianna cu mme! I' te porte pe 'mmane.
'Aiiaprete, Sabbuleche sciurute,
famme vedè se du Figghie è trasciute.
Tuppettù, tuppetù, tu no mme sinte.
Lu Bell'a 'mmamma non ce sta qua gghinte. . .'
Lu Sabbuleche addora e sta 'nzerrate,
cente catene lu tenne liate.

Madonna mia, repòsate nu poche.
Li chiante tova so lacreme de foche.
Ce sta n'atu Sabbuleche chiù 'nnante:
Addulurata, assùghete ssu chiante!
'Tuppetù, tuppetù, fosse menute
da qua du Figghie mia belle e tradute?
Aiiàprete, Sabbuleche allumate,
famme vedé du Figghie perlebate!'
Lu Sabbuleche sblenne chiù de prima
ma non ci aiiapre e tè cente 'nzerrime.

Madonna mia, tu ti' li pede rutte,
ce sta n'atu Sabbuleche chiù sotta.
Tu non ti' forza de menì chiù 'nnante
sotta ssa croce pesanta pesanta.
'Tuppetù, tuppetù, so la mamma. M'hanne ditte
che Lu ti' tu, du Figghie beneditte.
Aiiàpreme, Sabbuleche, ssa porta,
o pigghia pure a mme, povera morta!'.
Chiagne la terra e chiagne pure l'aria:
Giese Criste è sperate allu Calvarie.

LA SPOSA

Ce steva na vota na figghia de cozze,
sapeva trumpà quatte belle parrozze
e ieva na rosa, na rosa addurosa:
ma quanne ce sposa, ma quanne ce sposa?

Li giune 'lu Trone e de Sante Vardine.
li giune 'la chiazza, luntane e vucine,
la vonne, la vonne; ma iessa responne:
'Lu iurne che quissu ciardine fa fronne'.
Nisciune ciardine teneva; teneva
bellizze nu mare e cantava e chiagneva.
Ce méttene ammeze na bona parola,
ma iessa responne: 'Lenzàteme sola!'

Arriva Natale: recama e po stira.
Arriva la Pasqua: suspira, suspira.
'Sciurelle de magge, sciurelle de festa,
e,quanne m'eia métte lu vele 'ntesta?'

Lu sciore li dice sfruscianne sfruscianne:
'Stu vele repùnnele pe Capedanne!'
E pàssene, pàssene iurne e nuttate
e n'atu Natale vè dopo la state.

Che fridde! Che neve! Che pulemenìa!
E dopo tre iurne che sta all'avunìa
la giona chiù bella, vestuta da sposa,
inte lu tavute reposa reposa.

NATALE

Mo ch'è Natale, tu che fa? La sinte
La canzuncina docia docia e bella,
Ch'ajjenchie la nigghiara e trasce inte
Lu core, e te fa chiagne? Oh quant'è bella

La notte de Natale a casa mia!
Lu Bambinedde! Lu presepie, tutte
De lippe e sciure! E Santa Nastasia
Che porta lu canistre delli frutte!

Inte la Chiesia Madre mo ce canta,
Inte li case le sertanie frije,
E li screppedde, embé, parene tanta
Stelle che zompano inte l'ogghie fine...

Sule pe me, che stegne assà luntane,
Non v'è Natale. All'onna dellu mare
I' faccie sta prijera: 'Va luntane,
E porta nu salute a chi m'è care!

Se vide na muntagna tutta santa,
E nu cummente sope nu paese,
Fermate ddà, e dille a tutte quante
che pure lu core mie è santmarchese!

VERNE BONE, PANE MEGGHIE

'So sette iurne che cchiove e che cchiove
e quissu verne fa lu lazzarone'.
Povere verne! Sì mmale latrone
e t'hanne misse 'ncroce a quatte chiove.

Nisciune penza che, senza li ruve
e spine, non sciurisce la staggiona,
e senza neve, senza lampe e trone,
non po menì lu magge bell'e nnove.

Nollu sapite? Se lu verne è bbone,
lu pane è mmegghie, e se lu verne è fridde
im'avé 'rane e 'rane senza sfridde.

Facite festa, embè, cu ccante e ssone!
Li cose che ce parene delore
ponn'èsse nannavicula d'amore.

NINNA NANNA

Tegne na criatura ch'è nu sciore,
sope ssu sciore ascegne na farfalla,
la farfalla te porta argento e iore:
addùrmete, trasore.

La vucelluzza inte lu nide è stracqua,
lu nide è calle mo che sta la mamma,
!a mamma l'ha purtate n'atu sciore:
addùrmete, trasore.

La vi', la vi', camina na mureia
sope la nannavicula 'nnucenta.
Addùrmete, trasore, non è nente:
iè l'ombra mia che te nazzecheia.